"Maestra Isabel Gallego de Gorria" Herri Ikastetxea Iralabarri auzoan kokatua dago, Bilbo kanpoaldean eta ingurune erabat hiritarrean. Ingurune hau Eskurtzeko parke anidaren eraikuntzak erabat aberastu du, antzinako gune-berde eta ia errurala edo baserri girokoa berreskuratzea ahalbidetu baitu.

    Iralabarri auzoak oso desberdinak diren bi zonalde ditu; bata, Zabalburuko enparantzatik gertuago dagoena eta zaharragoa dena (mende hasieran eraikitakoa, batik bat) eta, bestea, berriagoa dena. Azken honetan kokatzen da, hain zuzen, 60ko hamarkadan eraiki zen gure eskola. Duela urte batzuetatik hona auzune honek biztanleriaren igoera handia jasan du. Gertaera horrek berarekin dakarren jendearen adin-muga gaztetzearen ondorioz, zentruaren matrikula-eskaera ere handituz joan da.

    Gutxi gora-behera duela 30 urte sortu zenetik gaurdaino egoera desberdinak bizi izan ditu gure eskola honek; 60ko hamarkadako jaiotze-tasaren "boom"etik gaur eguneko egoeraraino. Ondorioz, barne-espazio handiak ditu libre eta beste bi erakunderekin banatzen ditu aipatu espazio horiek. Antzinako eskolaurreko gelak ziren kokagunean, egun EPA (Helduen Alfabetatze Iraunkorra) kokatzen da eta lehen Zuzendaritzak erabilitako gelak orain dela gutxi Errekaldeko PAT erakundeak (Pedagogía Aholkularitza Teknikoa) erabiltzen zuen. Gaur egun gure ikasleek eta Guraso Elkarteak erabiltzen dute gune hau ekintza batzuetarako.

    1995/96 ikasturtean,  irakasle eta guraso talde txiki baten ahaleginari esker, A eredutik D eredura birmoldatu zen zentrua. Horiek guztiak gure "pioneroak" izan ziren eta dira.

    Garai haietatik gaurdaino makina bat ekintza burutu da. Libre zegoen espazioa birmoldatu eta ikasgela bereziak, tutoriak eta abar antolatzeko aprobetxatu ditugu. Dena dela, oraindik ere badugu zer egin eta zer landu. Horretan dihardugu buru-belarri eta era batean edo bestean L.H.ko Gallego Gorria Eskola aurrera atera dadin laguntza eskaintzen duzuen guztioi, gure eskerrik beroena txoko honetatik.

    Badakizue nondik datorren gure eskolako izena?

Nahi baduzu jakin nor izan zen Isabel Gallego de Gorria maistra

Joan bere orrira