Irakurtzeko zaletasuna bultzatu eta eskolan irakurgaiak lantzeko moduetan asko aurreratu da, haurrentzat egin diren literatur lanei buruzko interesa egunetik egunera handiagoa delarik.

Azken aldian haur literaturak berezko garrantzia hartu du eta umeen artean sormena eta zaletasuna bultzatzeko ekintza asko zabaldu dira.

Literatura bera, eta umeentzat egiten dena bereziki, eskola eta ostantzeko saioetara hedatu da. Horretarako hainbat jende eta talde ari dira lanean. Euskal Idazleen Elkarteak adibidez, idazleak eskoletara joateko eta irakurleekin zuzenean harremanetan jartzeko ekimena eratu zuen duela urte batzuk.

Ekintza honi esker, umeek liburua irakurri ondoren egilearekin hitz egiteko aukera dute, hobeto ezagututa gauza gehiago ulertu eta irakurtzeko zaletasuna areagotzeko asmoz.

Hona labur-labur programaren helburuak:

• Ikastetxeetan literatur zaletasuna sustatzea.

• Idazleen eta ikasleen aurrez aurreko harremanak bideratzea.

• Euskal idazleen obren zabalkundea.

• Ikasleen literatur gaitasuna sendotzea, teoria praktikarekin lotuz.

• Idazteari gaur eguneko mundu gero eta teknologikoagoan leku propioa aurkitzea.

Eskolak  ere hainbatetan frogatu du esperientzia honen balioa, aspaldidanik baita programa honen partaide. Halan,  ihaz Ana Urkiza etorri zen, dela bi urte Iñaki Zubeldia eta duela hiru urte Antton Irusta. Aurtengo ikasturtean bi bisitak euki ditugu, Lehena Iñaki Friera izan da eta bigarrena marrazkilaria eta idazle katalanarra, Mercè Arànega, MIKELA igela pertsonaia goxo eta eztiaren autorea.

Aurretik aukeratutako liburuaren gaineko solasaldiaren ostean, idazlearekin zuzenean hitz egiteko aukera dute ikasleek: zergatik eta nola idazten duten,  ideiak nondik ateratzen dituzten,  zein izango den hurrengo liburua eta beste hamaika galdera erantzuteko beharrean aurkitzen da idazlea.

Iñaki Zubeldia	Antton Irusta	Ana Urkiza	Iñaki Friera	Mercè Arànega
Fernando Morillo	Antton Kazabon

2009-10 ikasturtean Fernando Morillo eta Antton Kazabon idazleek bisita egin ziguten.

Fernandok "Andoitz eta lurralde ezkutuak" abenturazko liburua ekarri zien 6. mailako ikasle nagusiei. Oso  gustora egon ziren solasean.

Anttonek "Momolo" umetxo lodi eta ausartaren istorioa oparitu zien 3. mailako umeei. Poesia ikasi zuten Anttonen olerki fresko, maitagarri eta politekin.